Եթե դու կարիք ունես OS X-ում որևէ ծրագիր բացել ամենաարագ կերպով, կարող ես ծրագրերին կցել ստեղնաշարային shortcut:
Դրա համար անհրաժեշտ է բացել Automator ծրագիրը: Պատուհանի վերևում պետք է ընտրել “no input” և “any application” դաշտերը, ինչպես ցուցադրված է նկարում:
Հաջորդ քայլով ձախ հատվածից ընտրեք “Launch Application”-ը: Այնուհետև աջ հատվածում ընտրեք առաջարկվող տարբերակներից “Activity Monitor”-ը, ինչպես ցուցադրված է նկարում և պահպանեք workflow-ն որևէ անունով:
Այնուհետև մուտք գործեք shortcut-ների բաժին, որը գտնվում է Keyboard System Preferences բաժնում և ընտրեք Services-ը:
Այս բաժինը կցուցադրի տարբեր ծառայություններ, որոնց թվում կլինեն նաև Automator-ի միջոցով ստեղծվածները:
Այստեղ անհրաժեշտ է ընտրել վերջերս ավելացված ծրագիրը, այնուհետև՝ “add shortcut” կոճակը: Այժմ կարելի է մուտքագրել նախընտրած ստեղնաշարային կոմբինացիան:
Մի քանի ծրագրերի համար hot-key-ներ տեղադրելու համար պետք է կրկնել վերոնշյալ գործողությունները:
