Huawei Ascend P6 սմարթֆոնի տեսություն itTrend ամսագրից

Huawei չինական ընկերությունը անցած տարվա հունիս ամսին ներկայացրեց Ascend P6 սմարթֆոնը, սակայն մեր շուկայում այն հայտնվեց միայն մի քանի շաբաթ առաջ:

Բնականաբար, մենք չէինք կարող անուշադրության մատնել նման իրադարձությունը: Մենք փորձարկել ենք սմարթֆոնը և այժմ ձեր ուշադրության ենք ներկայացնում տվյալ սարքի տեխնիկական հագեցվածությունը և կատարողականությունը:

Մինչ սարքի տեսությանն անցնելը, առաջարկում ենք Ձեզ փոքր ծանոթանալ Huawei ընկերության անցած ճանապարհին:

Huawei Technologies-ը հիմնադրվել է 1987թ.: Ներկա պահին այն համարվում է հեռահաղորդակցության ոլորտի ամենախոշոր չինական ընկերություններից մեկը: Բացի սմարթֆոններից և պլանշետների ընկերությունն առաջարկում է նաև այլ սպառողական արտարդանքներ և լուծումներ՝ սարքավորումներ բազային և անլար ցանցերի համար, ցանցային և օպտիկական սարքեր, երթուղավորիչներ, ցանցային հաղորդիչներ և այլն:

Համաձայն Strategy Analytics ամերիկյան վերլուծական ընկերության, Huawei ընկերությունը 2013թ.-ին զբաղեցրել է երրորդ տեղը սմարթֆոնների վաճառքի ցուցանիշով՝ 50.4մլն. սարք: Չինական արտադրողը զիջել է հարավկորեական Samsung-ին (319.8մլն.) և ամերիկյան Apple-ին (153.4մլն.)

ՏԵԽՆԻԿԱԿԱՆ ԲՆՈՒԹԱԳԻՐ

ՍմարթֆոնHuawei Ascend P6
էկրանIPS+, 4,7 դյույմ, 720х1280 կետայնություն, 312 ppi, 16 մլն գույն, in-cell
ՊրոցեսորHuawei K3V2 HiSilicon Hi3620 (1,5 ԳԳց, 4 միջուկ)
ՎիդեոVivante GC4000, 600-800 Մգց (ARM Mali-400 MP4)
Օպերատիվ հիշողություն2Գբ
Ներկառուցված հիշողություն8Գբ
Ֆոտոխցիկներ8 Մպ ` հիմնական, ավտոֆոկուսով, 1920×1080 վիդեոյով և HDR- վիդեո համատեղելիությամբ, դիմային` 5 Մպ
Կապի մոդուլներWi-Fi 802.11 b/g/n (2 դիապազոն), Wi-Fi հասանելիության կետ, Wi-Fi Direct, DLNA, Bluetooth 3.0, 3G, GPS/ A-GPS, ГЛОНАСС
Բնիկներmicro USB, մուտք microSD քարտերի համար, 3.5 մմ բնիկ ականջակալների համար
ՑուցիչներԼուսավորման, հեռավորության և դիրքի, թվային կոմնացույց, գիրոսկոպ
ՄարտկոցՖիքսված, լիտիյ-պոլիմերային, 2000 մԱ/Ժ
Օպերացիոն համակարգAndroid 4.2 Jelly Bean
Չափսերը132.65×65.5×6.18 մմ
Քաշ120 գ

ՏՈՒՓԻ ՄԵՋ

Huawei Ascend P6_1Huawei Ascend P6_2

Յուրահատուկ փաթեթավորման մեջ առկա են երեք տուփիկներ, որոնք պարունակում են`սնուցման բլոկ և սինքրոնացման մալուխ, ականջակալներ, ֆիրմային թափանցիկ սիլիկոնե սպիտակ գույնի պատյան և օգտագործողի ուղեցույց:

Huawei Ascend P6_3Huawei Ascend P6_4

Կախված հեռախոսի գույնից` կոմպլեկտում ներառված են համապատասխան պատյաններ: Հիշեցնենք, որ ընկերությունը արտադրել է տվյալ սարքը երեք գունային տարբերակներով` սև, սպիտակ և վարդագույն: Չնայած որ պատյանը ավելացնում է սարքի հաստությունը, այն պաշտպանում է սմարթֆոնը հարվածներից, քերծվածքներից և ճաքերից:

ԱՐՏԱՔԻՆ ՏԵՍՔԸ

Ascend P6-ը անսովոր տեսք ունի: Շնորհիվ յուրահատուկ դիզայնի՝ սարքը տարբերվում է շուկայում առկա բազմաթիվ այլ Android սմարթֆոններից:

Սարքի կաղապարը ոչ սիմետրիկ է` ներքևի պլաստիկ եզրը կլորացված է: Միայն դա է արված պլաստիկից, կաղապարի բոլոր մնացյալ մասերը՝ կողմնային երիզները, ներդիրները, SIM և microSD քարտերի համար բնիկները և կառավարման ստեղները մետաղյա են:

Huawei Ascend P6_5

Մետաղյա կափարիչը ձախ եզրում ոչ միայն փակում է 3.5 մմ աուդիոբնիկը, այլ նաև “սեղմակի” դեր է տանում, որի օգնությամբ կարելի է բացել SIM և հիշողության քարտերի բնիկները, որոնք տեղադրված են աջ կողմում. նույն տեղը արտադրողը տեղադրել է միացման/անջատման կոճակը և ձայնի կարգավորման ստեղնը:

Huawei Ascend P6_7Huawei Ascend P6_8

Ներքևի մասում գտնվում է միկրոֆոնը, իսկ microUSB բնիկը տեղադրել են վերևի եզրում:

Huawei Ascend P6_10Huawei Ascend P6_9

Փոքր հաստության և լայնության շնորհիվ 4.7 դյույմանոց էկրանով հեռախոսը հոյակապ պառկում է ափի մեջ: Իսկ քանի որ P6-ի ծածկույթը անփայլ է, այն չի սղում և չի կեղտոտվում և անգամ մատնահետքերն են քիչ հավաքում:

Huawei Ascend P6_6

Huawei Ascend P6-ի արտաքին տեսքը բավական դրական տպավորություն է թողնում, և չնայած այն հիշեցնում է “խնձորային” սմարթֆոնի՝ դա միայն օգուտ է բերում սարքին, քանի որ սմարթֆոնը որակյալ և թանկարժեք տեսք ունի:

ԷԿՐԱՆ

Ascend P6-ը ստացել է որակյալ IPS-էկրան` 4.7 դյույմ անկյունագծով և 312 ppi պիքեսելների խտության HD 720p (1280×720 կետեր) թույլատրելիությամբ, ալեոֆոբիկ ծածկույթով պաշտպանիչ ապակի, ինչպես նաև multi touch տեխնոլոգիա, որը միաժամանակ մշակում է մինչև 10 հպում:

IPS-մատրիցան առաջարկում է օգտագործողներին դիտման բարձր անկյուններ, բնական գույների փոխանցում: Բարձր պայծառութան շնորհիվ, սմարթֆոնը կարելի է օգտագործել արևի ճառագայթների տակ առանց որևէ խնդրի:

Էկրանի կարգավորման մենյուում կարելի է ավելացնել սենսորի զգայունությունը, ինչը թույլ կտա օգտագործել այն անգամ ձեռնոցներով: Մենք չէինք կարող չփորձարկել տվյալ ֆունկցիան. կարող ենք ասել, որ էկրանը բավական ադեկվատ է արձագանքում ձեռնոցներով հպումներին:

Ընդհանուր առմամբ, Huawei Ascend P6-ի էկրանը միայն դրական տպավորություններ է թողել:

ՖՈՏՈԽՑԻԿ

Screenshot_2014-01-22-19-52-20

3264×2448 կետերի մաքսիմալ թույլատրությամբ հիմնական 8-մեգապիքսել ֆոտոխցիկը հագեցած է HDR տեխնոլոգիայով (լուսանկարում անհավասար լուսավորության պայմաններում) և տեսաձայնագրման հնարավորությամբ՝ 1080p թույլատրությամբ (Full HD): Լուսանկարման լռելյայն ռեժիմը ավտոմատ է:

Ֆոտոխցիկը ներառում է գրաֆիկական էֆեկտներ, պանորամային նկարահանման ռեժիմ, ժպիտի ճանաչում և HDR:

Միակ տխրեցնող փաստը թույլ լուսավորության պայմաններում ոչ շատ որակյալ նկարների ստացումն է: Քանի որ նման խնդիր ունեն սմարթֆոնների ֆոտոխցիկների մեծամասնությունը, այն չենք դասի թերությունների շարքում:

Դիմային ֆոտոխցիկը ստացել է 5-մեգապիքսել սենսոր (2592×1952 կետայնությամբ)՝ տարբեր էֆեկտների հավաքածուով:

Ֆոտոխցիկների կառավարումը կարող է կատարվել երկու տարբերակով` էկրանին առկա պատկերակին սեղմելով և/կամ ձայնի ուժգնության կարգավորման ֆիզիկական ստեղնով:

Թերություններ, որպես այդպիսին, չեն նկատվել: Միակ դիտողությունը` տեսաձայնագրման ընթացքում լուսանկարելու անկարողությունն է:

Ընդհանուր առմամբ, երկու տեսախցիկներն էլ իրենց արժանի ներկայացրեցին ինչպես ֆոտո-, այնպես էլ վիդեոնկարահանումների ռեժիմներում:

ՁԱՅՆԸ

Երկու բարձրախոսներն էլ ապահովում են մաքուր և հավասար ձայն: Արտաքին բարձրախոսը բավական բարձրաձայն է և անգամ մաքսիմալ բարձրության վրա պարզ փոխանցում է ձայնը: Ներքին (լսողական) բարձրախոսը պարզ փոխանցում է զրուցակցի խոսքը և ապահովում է լայն սպեկտրի հաճախականությունների վերարտադրում:

Ձայնի մշակման պատասխանատուն է Dolby Digital Plus տեխնոլոգիան, որը կարելի է ակտիվացնել բրենդային աուդիոնվագարկչի ինտերֆեյսից: Բացի դրանից, նվագարկիչը դասակարգում է երգերն ըստ թղթապանակների և ստեղծում է երգացանկ:

Սարքն ունի նաև ձայնագրիչ և FM-ռադիո (87.5-108 ՄԳց): Հարկ է նշել, որ վերջինիս աշխատանքի համար պահանջվում է ականջակալների միացում. դրանք ալեհավաքի դեր են խաղում:

ՀԵՌԱՀԱՂՈՐԴՈՒՄՆԵՐ

Սմարթֆոնը աշխատում է 3G WCDMA և 2G GSM ցանցերում, սակայն չունի LTE մոդուլ: Սա թերություն չէ՝ հաշվի առնելով, որ տվյալ ձևաչափը Հայաստանում դեռ կյանք չի առել:

Հեռախոսը նաև հագեցած է անլար կապի մոդուլներով` Wi-Fi 802.11b/g/n (2.4 և 5 ԳԳց) և Bluetooth 3.0: Սմարթֆոնը չունի նաև NFC մոդուլ, սակայն դա LTE մոդուլի բացակայության պես կարևոր չէ, քանի որ մեր երկրում կրկին այն բացակայում է:

Wi-Fi Direct-ի օգնությամբ կարելի է միանալ ուրիշ սարքերին և ստեղծել Wi-Fi կետ:

microUSB բնիկն ունի OTG (USB On-the-Go), որը թույլ է տալիս դիտել ֆայլերը անմիջապես USB կրիչից և միացնել արտաքին ստեղնաշարը և մկնիկը:

Ինչ վերաբերում է կապի որակին, այստեղ նույնպես բողոքներ չկան: Օգտագործման ամբողջ ընթացքում ազդանշանի կորուստ տեղի չի ունեցել: Դա վերաբերում է ոչ միայն GSM-ին, այլ նաև բոլոր անլար ադապտերներին:

ԿԱՏԱՐՈՂԱԿԱՆՈՒԹՅՈՒՆԸ և ԹԵՍՏԵՐԸ

Ascend P6-ը աշխատում է K3V2 Hi-Silicon K3V2 սեփական արտադրության հարթակի վրա, որը ներառում է իր մեջ ARM Cortex-A9 MPCore քառամիջուկ 1.5 ԳԳց և 16 միջուկային գրաֆիկական չիփ Vivante GC4000:

Թեստավորման երկու շաբաթվա ընթացքում սմարթֆոնը, ընդհանուր առմամբ, ցույց տվեց իր դրական կողմերը: Աշխատանքի խափանում չի նկատվել: Սակայն կա բացասական կողմ. պրոցեսորը զգալիորեն տաքանում է վիդեոյի երկարատև դիտման ժամանակ և խաղեր խաղալիս: Ի դեպ, նման խնդիր ունեն նաև iPhone-ները:

Վիդեոյի վերարտադրման տեսանկյունից ոչ մի խնդիր չի նկատվել, սարքը ունի հասանելի կոդեկների և ձևաչափերի մեծամասնությունը:

Ինչ վերաբերում է խաղերին, այստեղ ամենը բավական հարաբերական է: Օրինակ, Angry Birds և Fruit Ninja դասի խաղերը “թռչում են” անխտիր, Real Racing 3-ում արտադրողականությունը քիչ ավելի ցածր է, իսկ Eternity Warriors 3 խաղերի դասում նկատվում է fps-ի անկում:

Ավելին, ներկառուցված հիշողության 8 Գբ-ից օգտագործողին հասանելի է մոտ 5-ը: Սա նշանակում է, եթե դուք երաժշտության կամ խաղերի սիրահար եք, ստիպված կլինեք ձեռք բերել ևս մեկ հիշողության քարտ:

Ինչ վերաբերում է սարքի արտադրողականությանը` ներքոհիշյալ սքրինշոթերը կպատմեն անցկացված թեստերի արդյունքների մասին.

Չի կարելի ասել, որ SoC K3V2E ցույց է տվել բարձր արդյունքներ, հատկապես այլ արտրադրողների նմանատիպ սարքերի հետ համեմատ: Սակայն, օգտագործողներն իրենք պետք է որոշեն, թե ինչ է իրենց հարկավոր`ընդլայնված ֆունկցիաներով կապի միջոց, թե համակարգիչ:

ՄԱՐՏԿՈՑ

Huawei Ascend P6-ում տեղադրված է Ֆիքսված լիտիյ-պոլիմերային մարտկոց 2000 մԱ/Ժ տարողությամբ:

Screenshot_2014-01-22-19-54-51

Օգտագործման ստանդարտ ռեժիմում մարտկոցի լիցքավորումը ապահովում է մինչև 12 ժամ անխափան աշխատանք:

Կարդալու ռեժիմում, պայծառության միջին մակարդակի առկայութամբ, մարտկոցը սպառվեց մոտավորապես 10 ժամից:

YouTube–ում HD որակով Wi-Fi միջոցով վիդեո դիտելու դեպքում, ժամանակը սահմանափակ է 5-5.5 ժամով:

Մարտկոցի լիցքաթափման ժամանակը անդադար խաղի ռեժիմում կազմեց մոտ 3.5 ժամ:

ԾՐԱԳՐԱՅԻՆ ԱՊԱՀՈՎՈՒՄ

Սմարթֆոնն աշխատում է Android 4.2.2 օպերացիոն համակարգում՝ Emotion UI 1.6 բրենդային ինտերֆեյսով:

Ինտերֆեյսի ընդանուր տեսքը միայն լավ տպավորություններ է թողում: Ամբողջը (և՛ ձևավորման թեմաները և՛ պաստառները) շատ գեղեցիկ, նրբագեղ և խիստ տեսք ունի:

Բոլոր ծրագրերը տեղադրված են անմիջապես աշխատասեղանին: Սմարթֆոնը հագեցած է 9 աշխատասեղանի հնարավորությամբ: Յուրաքանչյուրի վրա կարելի է տեղադրել մինչև 12 հավելված և/կամ թղթապանակ:

Կառավարումները առաջարկում են օգտագործողին երկու ներդիր` “Ընդանուր”, որի մեջ հավաքված են միայն հիմնական կարգավորումները և “Բոլորը”, որոնք առաջարկում են Android ՕՀ կառավարման ստանդարտ մենյու:

Screenshot_2014-01-22-19-49-56

Screenshot_2014-01-22-19-55-52

“Կառավարում” թղթապանակում տեղադրված են տվյալների պահեստային պատճեների հավելումների ստեղծման, հավելումների թույլտվության տեղադրման համար, իրավունքների և սնուցման դիսպետչերներ:

Screenshot_2014-01-22-19-51-40

“Գործիքներ” թղթապանակը բացում է մուտք լապտերիկին, հաշվիչին, ռադիոին, ձայնագրիչին, DLNA и Polaris Office-ին:

Screenshot_2014-01-22-19-51-52

“Ցուցասրահ”-ն առաջարկում է 4 բաժին` “Ալբոմ”, “Ժամանակ”, “Նկարահանման տեղեր” և “Մարդիկ”, ինչպես նաև վիզուալ էֆեկտների փոքր հավաքածու:

Screenshot_2014-01-22-19-50-43

Երաժշտական նվագարկիչը կիսում է երգացանկերի, ալբոմների և երգիչների թրեքները:

Screenshot_Music gallery_Huawei p6

Առանձին թղթապանակում հավաքված են բոլոր ամենակարևոր և անհրաժեշտ Google-ի հավելվածները:

Screenshot_2014-01-22-19-51-59

Նույնպես արժե նշել Riptide GP ներկառուցված խաղը:

ԵԶՐԱԿԱՑՈՒԹՅՈՒՆ

Որակյալ նյութեր, բարակ կաղապար, որակյալ էկրան և խցիկներ, գեղեցիկ ինտերֆեյս:

Մի փոքր մտահոգում է ֆիքսված մարտկոցը և պրոցեսորը, որը նկատելիորեն տաքանում է խաղային ռեժիմում:

Արդար լինելու համար, կարելի է նշել, որ սովորական ռեժիմում տաքացումը գրեթե աննկատ է և չի պատճառում որևէ անհարմարություն:

Եվ ամենակարևորը` արժեքը: Huawei Ascend P6-ի մանրածախ գինը Հայաստանում կազմում է 225000 դրամ (մոտ 550 ԱՄՆ դոլար), ինչը բավական շատ է՝ համեմատած այլ արտադրողների սարքերի հետ:

Սակայն, եթե Ձեր համար կարևոր են ոչ թե յուրահատկությունները, այլ իմիջային բաղադրիչները, այս դեպքում տվյալ մոդելը հենց Ձեզ համար է, քանի որ նման գումարով պրեմիում-դասի սմարթֆոններ գնել գրեթե հնարավոր չէ:

Huawei Ascend P6 սմարթֆոնը տրամադրվել է Online Plus խանութների ցանցի կողմից, որը հանդիսանուոմ է Huawei ընկերության գործընկերը Հայսատանում: