Orange-ը, ամփոփելով «Ապահով համացանց» միջոցառումների առաջին ամիսը, իր ինտերնետ ծառայությունների բաժանորդներին ներկայացրեց մեկ անակնկալ ևս. մարտ և ապրիլ ամիսներին ինտերնետի բոլոր սակագնային պլանների բաժանորդները հնարավորություն կունենան Kaspersky Anti-Virus և Kaspersky Internet Security ծրագրերն օգտագործել ընդամենը 1 դրամով:
Մեծապես կարևորելով երեխաների համար համացանցի օգտագործումն ավելի արդյունավետ և ապահով դարձնելու հիմնախնդիրը` Orange-ը երրորդ տարին անընդմեջ «Մեդիակրթության կենտրոն» և «Ինտերնետ Հանրություն» կազմակերպությունների հետ համատեղ նախաձեռնում է «Ապահով համացանց Հայաստան» լայնածավալ ծրագիրը:
Փետրվարի 11-ին մեկնարկած այս ծրագրի ընթացքում արդեն շուրջ 2000 աշակերտներ մասնակցել են բաց դասերի` ստանալով համացանցից ապահով կերպով օգտվելու վերաբերյալ գիտելիքներ և ուսումնական նյութեր: Ծրագրի շրջանակներում կազմակերպվող հատուկ ծնողական ժամերի ընթացքում արդեն 200-ից ավել ծնողներ տեղեկատվություն են ստացել համացանցի ապահովության խնդիրների, հնարավոր վտանգների, ինչպես նաև իրենց երեխաների համար համացանցն ապահով դարձնելու հնարավոր ծրագրային լուծումների վերաբերյալ: Orange-ի 30 աշխատակիցներ անձամբ մասնակցում են ծնողների համար նախատեսված տեղեկացման դասընթացներին Երևան, Վանաձոր, Իջևան և Չարենցավան քաղաքներում:
Հիշեցնենք, որ «Ապահով համացանց» միամսյակի ընթացքում Orange-ն իր ինտերնետ բաժանորդներին ներկայացրել էր առավել գրավիչ և մատչելի պայմաններ: Մարտի 1-ից գործող այս նոր պայմանները ներառել են նաև Ինտերնետ Հիմա 15000 սակագնային պլանի բաժանորդների համար Kaspersky Internet Security ծրագիրը, իսկ
Ինտերնետ Հիմա 11000-ի օգտատերերի համար` Kaspersky Anti-Virus ծրագիրն անվճար օգտագործելու հնարավորությունները:
Բոլոր նրանք, ովքեր անհանգստանում են իրենց երեխաների կողմից սպառված ինտերնետային բովանդակության բնույթով և անվտանգությամբ, կարող են այցելել www.safe.am կայքը, որտեղ տեղադրված են համացանցից ապահով օգտվելու վերաբերյալ անհրաժեշտ տեղեկություններ և խորհուրդներ:
