Պալո Ալտոյում հիմնադրված SectorCube նորաստեղծ ընկերությունը Kickstarter-ում ներկայացրել է MAID խելացի միկրոալիքային վառարանը, որի նպատակն է հեշտացնել ուտելիքի պատրաստումը։ Բացի միկրոալիքային վառարան լինելուց՝ Maid-ը նաև ջեռոց է։ Այն կարելի է կառավարել ձայնային հրահանգներով։ Վառարանն ունի նաև բազմաթիվ սենսորներ, և կարիք չկա որոշել ջերմաստիճանը․ բավական է վառարանին ասել՝ թե ինչ եք պատրաստում, և այն ինքնուրույն կընտրի ամենաօպտիմալ ջերմաստիճանը։
MAID-ը հասկանում է նաև ժեստերը և ունի 6 դյույմանոց թաչսքրին, որի միջոցով կարելի է փնտրել ու ընտրել տարբեր բաղադրատոմսեր, դիտել այս կամ այն ճաշատեսակի պատրաստման տեսանյութեր և այլն։
Վառարանն ունի նաև հատուկ հավելված, որի միջոցով օգտագործողը սմարթֆոնին ծանուցումներ է ստանում, երբ, օրինակ, ուտելիքն արդեն պատրաստ է։ Հավելվածը նաև հնարավորություն է տալիս հեռակա կառավարել վառարանի ջերմաստիճանը և այլն։
Առջևում դեռ 30 օր կա, սակայն վառարանը հասցրել է հավաքել գրեթե ամբողջ պահանջվող գումարը՝ մոտ 50 հազար դոլար։
Աղբյուրը՝ Digitaltrends․com