ԱՄՆ արտոնագրերի և ապրանքանիշների հանձնաժողովը (USPTO) հրապարակել է Microsoft-ի «Ստիլուսի համար նախատեսված մարտկոցի վերալիցքավորման համակարգի» արտոնագրման հայտը: Փաստաթղթում նկարագրվում է Surface համակարգիչների և պլանշետների համար նախատեսված Surface Pen-ի նոր տարբերակը: Վերոնշյալ սարքի ներկա տարբերակը կաշխատի AAAA չափսի մարտկոցով, որի լիցքը, ինչպես հավաստիացնում է Microsoft-ը, կբավականացնի մոտ մեկ տարի:
Արտոնագրվող սարքի մարտկոցը վերալիցքավորելու համար ստիլուսը կմիացվի համակարգչին կամ պլանշետին: Արտոնագրման հայտը ներկայացվել է դեռևս 2014թ.: Այդ պատճառով էլ կարելի է ենթադրել, որ նկարագրված համակարգը կթողարկվի հաջորդ սերնդի Surface պլանշետների հետ:
Աղբյուրը՝ uspto
