Հավատարիմ մնալով անլար ականջակալների արտադրության իր ավանդույթին՝ Bose ընկերությունը ներկայացրել է իր նոր QuietComfort 35 ականջակալները:
Փակ QuietComfort 35 ականջակալներն ունեն մի քանի խոսափող, ինչպես նաև հեռախոսազանգերի ընդունման հնարավորություն, իսկ մարտկոցն ապահովում է 20 ժամվա ավտոնոմ աշխատանք երաժշտության նվագարկման ռեժիմում: QuietComfort 35 մոդելն արդեն հայտնվել է վաճառքում 349 դոլարով:
Ավելի կոմպակտ լուծումների սիրահարների համար ընկերությունն առաջարկում է QuietControl 30 ականջակալները, որոնք հարմարավետ տեղավորվում են ականջներում:
QuietControl անվանումը նշանակում է աղմուկի կառավարում՝ օգտագործելով հեռախոսի Connect հավելվածը կամ հենց ականջակալների կառավարման ֆիզիկական տարրերը: Սարքը կարողանում է ավտոնոմ աշխատել մինչև 10 ժամ:
QuietControl 30-ի վաճառքը կմեկնարկի սեպտեմբերին 299 դոլարով։
Նաև ներկայացվել են SoundSport անլար ականջակալները, որոնք արժեն 149 դոլար:
Աղբյուրը՝ Engadget
