TripAdvisor ճանապարհորդությունների համար նախատեսված հավելվածի Android մոբայլ տարբերակում հայտնվել է տարբեր երկրների և քաղաքների թեմատիկ երգեր լսելու հնարավորություն:
Այս հնարավորությունից օգտվելու համար պետք է բեռնել TripAdvisor հավելվածը, այնուհետև բացել ծրագիրը և մուտքագրել հետաքրքրող քաղաքի կամ երկրի անունը: Որոնման արդյունքում Դուք կտեսնեք այդ վայրին համապատասխան պլեյլիստների հղումներ Google Play Music ծառայությունում: Դրանցից ցանկացածը բացելով` կակտիվացնեք երկամսյա անվճար հասանելիություն այս ծառայության երաժշտական հավաքածուին:
Google Play Music-ում կկարողանաք լսել ոչ միայն TripAdvisor-ի առաջարկած փլեյլիստները, այլև ցանկացած այլ երգ: Կարելի է նույնիսկ ամբողջությամբ ջնջել TripAdvisor հավելվածը, մինևնույն է, անվճար բաժանորդագրությունը կպահպանվի:
Թե ինչքան կերկարաձգվի այս ակցիան, դեռ պարզ չէ: Նշենք, որ ծառայությանն անվճար հասանելիություն կարող են ստանալ միայն Google Play Music-ի նոր բաժանորդները:
Աղբյուրը՝ Life Hacker