«Բաց խաղ» 2016 առաջնության արդյունքների ամփոփում

«Բաց խաղ» 2016 առաջնության արդյունքների ամփոփում

Թումո ստեղծարար տեխնոլոգիաների կենտրոնում տեղի ունեցած  DigiTalks  հանդիպման շրջանակում ամփոփվել են «Բաց խաղ» համակարգչային եւ բջջային խաղերի նախագծման առաջնության արդյունքները:

Այսպիսով, մինչեւ 18 տարեկան տարիքային խմբում «Լավագույն խաղ» անվանակարգում հաղթող է ճանաչվել Marimba թիմը իր Get’n’Go խաղով, իսկ «Լավագույն խաղ» Scratch ծրագրով անվանակարգում՝ Մասրիկ թիմը իր Marvel & United Forses խաղով:

«Լավագույն դիզայն» անվանակարգին է արժանացել VAV թիմի SURVIVOR խաղը: Հաղթողները Ucom ընկերության կողմից ստացել են համապատասխանաբար 350 000, 160 000 և 200 000 դրամական պարգևներ:

opem-game1

18 տարեկանից բարձր տարիքային խմբում «Լավագույն դիզայն», «Լավագույն սցենար» անվանակարգում հաղթողներ են ճանաչվել B.H.H. թիմի Upper 8 և Gradius թիմի Vrun խաղերը: Նրանք Ucom-ի կողմից արժանացել են 270 000 և 200 000 դրամական պարգևների:

Խրախուսական մրցանակների են արժանացել Խաչիկ Առաքելյանը Parking խաղով, Արթուր Մարտիրոսյանը (Development of the best) ու Վահրամ Դարյանը (Animals Dreams)՝ Huawei ընկերությունից ստանալով սմարթֆոն հեռախոսներ:

Նշենք, որ «Բաց խաղ» 2016-ի մեկնարկը տրվել էր դեռևս ապրիլին: Մասնակիցներն այս ընթացքում 3 փուլ են հաղթահարել և մասնագիտական ժյուրիի անդամների խորհրդատվությամբ բարելավել իրենց խաղերը: Ժյուրիի կազմում ընդգրկված էին Ucom, PicArt,  X-Tech, Frismos, Triada, ViViFi, Underwater Apps ընկերությունների ներկայացուցիչները:

DigiTalks  միջոցառման ընթացքում մոտիվացիոն ելույթներով ու հաջողության պատմություններով հանդես են եկել խաղային ինդուստրիայի ներկայացուցիչները, «Բաց խաղ» առաջնության այս և նախորդ տարիների մասնակիցները: