ArmCulture AR հավելվածը «կենդանացնում է» արձանները

ArmCulture AR հավելվածը «կենդանացնում է» արձանները

ARLOOPA ընկերությունը, ՀՀ մշակույթի նախարարության աջակցությամբ, ստեղծել է ArmCulture AR hավելվածը, որի միջոցով հնարավոր է տեսնել արձանների եռաչափ անիմացիոն պատկերները, լուսանկարվել դրանց հետ, լսել ուղեկցող ձայնային հաղորդագրություններ և ստացված նկարներով կիսվել սոցցանցերում: Հավելվածը թույլ է տալիս լրացված իրականության (Augmented Reality) շնորհիվ «կենդանացնել» Հ. Թումանյանի և Ա. Սպենդիարյանի հուշարձանները:

Հավելվածի նպատակն է նոր տեխնոլոգիաների կիրառման միջոցով երիտասարդությանը ավելի հասանելի և գերժամանակակից տարբերակով ծանոթացնել սեփական մշակույթին:

Հավելվածը ներբեռնելուց հետո պետք է սմարթֆոնով կամ պլանշետով սկանավորել արձանների պատվանդաններին փակցված ստորագրության պատկերներով «մարկերները» և արդյունքում կհայտնվեն հուշարձանների 3D անիմացիաներ՝ ձայնային հաղորդագրությունների ուղեկցությամբ: Կարելի է նկարվել այդ անիմացիոն մոդելի հետ և կիսվել նկարներով սոցցանցերում։

Նշենք, որ հավելվածն անվճար է, հնարավոր է ներբեռնել Play Market-ից: Այն արդեն հասանելի է նաև App Store-ում:

Հետագայում նախատեսվում է հավելվածում ընդլայնել արձանների թիվը և ավելացնել լրացուցիչ լեզուներ, որպեսզի այն հասանելի դառնա նաև զբոսաշրջիկների համար` հնարավորություն ընձեռելով  յուրօրինակ ու նոր տարբերակով ծանոթանալ հայկական մշակույթին:

ArmCulture AR հավելված

Ամանորի տոների շեմին ՀՀ մշակույթի նախարարությունն անակնկալ է պատրաստել մեր քաղաքի բնակիչների համար: Դուք հնարավորություն կունենաք նորովի տեսնելու Երևանի ամենասիրված վայրում գտնվող՝ Հովհ. Թումանյանի և Ալ.Սպենդիարյանի արձանները և բացահայտելու մեր մշակութային արժեքները` համակցված առաջատար տեխնոլոգիայով: Ներբեռնե՛ք #ArmCultureAR հավելվածը` Google Play-ում. https://goo.gl/XoQ1qK, AppStore-ում. https://goo.gl/4cO0GA: Տեսահոլովակի նկարահանում՝ DreamShots AMԵրաժշտությունը՝ Ալ.Սպենդիարյան. Էնզելի, Երևանյան էտյուդներ շարքից

Posted by ՀՀ մշակույթի նախարարություն/ Ministry of Culture of the Republic of Armenia on Freitag, 30. Dezember 2016