CTF EVN. Առաջին անգամ Երևանում կանցկացվի համակարգչային անվտանգության մրցույթ

CTF EVN. Առաջին անգամ Երևանում կանցկացվի համակարգչային անվտանգության մրցույթ

Փետրվարի 4-ին Հայաստանում առաջին անգամ կանցկացվի համակարգչային անվտանգության ինտելեկտուալ մրցույթ` Capture the Flag (CTF EVN): Մրցույթի նպատակն է բարձրացնել կիբերանվտանգության նկատմամբ հետաքրքրությունը Հայաստանում:

Մրցույթի ընթացքում մասնակիցներին կտրամադրվեն սերվերներ, ծառայություններ, ծրագրեր, որոնք հարկավոր է կոտրել: Բոլոր խնդիրների հետ կլինեն հուշումներ և գործիքների վերաբերյալ տեղեկատվություն, քանի որ մրցույթը կրում է կրթական բնույթ:

Capture the Flag -ին կարող են մասնակցել բոլոր ցանկացողները: Ընդունվում են թե անհատական, թե թիմային մասնակցության հայտեր: Լավագույն մասնակիցները կարժանանան մրցանակների: Մասնակցության համար հարկավոր է գրանցվել այստեղ:

Նշենք, որ Capture the Flag (CTF EVN) մրցույթի կազմակերպիչներն են Ձեռնարկությունների ինկուբատոր հիմնադրամը (ՁԻՀ), 1guard Security ընկերությունը և Մայքրոսոֆթ Հայաստանը՝  Մոնիտիսի և ISTC Նորարարական լուծումների և տեխնոլոգիաների կենտրոնի հետ համագործակցությամբ: