Թումոյում մեկնարկել է զինծառայողների ուսումնառությունը

Թումոյում մեկնարկել է զինծառայողների ուսումնառությունը

ՀՀ բանակի ժամկետային զինծառայողները այսօր սկսել են իրենց ուսումնառությունը Թումո Դիլիջանում։ Առաջին դասերը, ըստ Թումոյի ծրագրի, նվիրվում են ինքնուսուցմանը «Թումո շավիղ» հարթակում։

ՀՀ պաշտպանության նախարար Վիգեն Սարգսյանի և «Սիմոնյան» կրթական հիմնադրամի գործադիր տնօրեն Մարի Լու Փափազյանի հունվարին ստորագրած համագործակցության հուշագրի համաձայն՝ «Թումո» ստեղծարար տեխնոլոգիաների կենտրոնը պատրաստակամ է պարտադիր ժամկետային զինծառայողներին ուսուցանել 21-րդ դարի հմտությունները՝ կենտրոնի ծրագրի հատուկ տարբերակով։

Ուսումնական ծրագիրը ներառում է կենտրոնի արտադպրոցական ծրագրի 14 ուսումնական ոլորտների ընտրանին։

Ծրագրում ներառված են հետևյալ ուղղությունները՝

  • համակարգչային ծրագրավորում
  • ռոբոտաշինություն
  • համակարգչային գրաֆիկա
  • թվային երաժշտության ստեղծում

Զինծառայողների ուսումնական գործընթացը կազմակերպվելու է զինված ուժերի զորամասերի մերձակա «Թումո» կենտրոններում՝ նախապես սահմանված գրաֆիկով և 18 ամիս ժամկետով։

Դասընթացներն անցկացվելու են երեք` սկսնակ, միջին և առաջադեմ մակարդակներով, յուրաքանչյուրը 4 շաբաթ տևողությամբ։

ՀՀ բանակի ժամկետային զինծառայողները սկսեցին իրենց ուսումնառությունը Թումո Դիլիջանում։ Առաջին դասերը, ըստ Թումոյի ծրագրի, նվիրվում են ինքնուսուցմանը «Թումո շավիղ» հարթակում։

Posted by Tumo Center for Creative Technologies on Sonntag, 19. Februar 2017