Երկար սպասումից հետո VLC հանրահայտ նվագարկիչը թողարկվեց նաև Windows 8 օպերացիոն համակարգի համար: Սա հնարավոր դարձավ Kickstarter ծառայության շնորհիվ, որի միջոցով գումար հավաքվեց նախագծի իրականացման համար: Հավելվածը կարելի է բեռնել արդեն Windows Store հավելվածների խանութից:
Windows 8-ի լռակյաց նվագարկիչը թույլ է տալիս դիտել տեսանյութեր, սակայն VLC-ն ապահովում է ավելի շատ ֆորմատներ, այդ թվում՝ Ogg, FLAC և MKV:
Նվագարկիչը բացում է ցանկացած ֆորմատի վիդեո, իսկ ինտերֆեյսը համապատասխանում է Metro-ի ստանդարտներին:
Ներկա պահին ծրագիրը դեռ բետա-տեստավորման փուլում է, և հնարավոր են աշխատանքի թերացումներ: Բացի այդ՝ այն դեռևս անհամատեղելի է Windows RT համակարգի և ARM պրոցեսորների հետ:
Աղբյուրը՝ jbkempf.com