Google-ի աշխատակիցներն ընկերության ղեկավարությանը մեղադրել են հատուկ ծրագրեր ստեղծելու մեջ, որոնց միջոցով ղեկավարությունը հետևում է աշխատանքային իրավունքների վերաբերյալ աշխատակիցների քննարկումներին և դժգոհություններին: Այս մասին հայտնում է Bloomberg-ը:
Ավելի վաղ Google-ի մի քանի աշխատակիցներ հայտնաբերել էին, որ ընկերությունը Chrome-ի համար հատուկ հավելված է կիրառում. այն տեղադրված էր բոլոր համակարգիչների վրա և միացված էր ներկորպորատիվ ցանցին: Նոր ծրագիրն ավտոմատ կերպով հայտնում է այն աշխատակիցների մասին, որոնք իրենց օրացույցում նշել են իրադարձություն, որը զբաղեցնելու է ավելի քան 10-ը սենյակ կամ նախատեսում է ավելի քան 100 մարդու մասնակցություն:
IT ընկերության աշխատակցները հետևություն են արել, որ այդ ձևով «վերևում» ցանկանում են տեղյակ լինել ենթակաների ինքնակազմակերպման յուրաքանչյուր փորձի մասին:
