Մայքրոսոֆթ ինովացիոն կենտրոնը հայտարարում է իր աքսելերացիոն ծրագրի նոր փուլի մեկնարկի մասին՝ իրենց գաղափարները կյանքի կոչելու և սեփական սթարթափը ստեղծելու ցանկություն ունեցող երիտասարդ ձեռներեցների համար:
Նոր աքսելերացիոն շրջանին մասնակցելու հայտ կարող են ներկայացնել ինչպես թիմեր, այնպես էլ նորաստեղծ ընկերություններ: Առաջին անգամ Հայաստանում աքսելերացիայի ծրագրում ներգրավվելու հնարավորություն կստանան ոչ միայն հայկական թիմեր/ընկերություններ, այլև մասնակիցներ մեր տարածաշրջանից և ողջ աշխարհից:
Ահա թե ինչ է սպասում ՄԻԿ-ը հայտագրվողներից՝
– Հավաքել համախոհների և միևնույն գաղափարին նվիրված պրոֆեսիոնալների թիմ
– Գրանցվել ՄԻԿ աքսելերացիայի շրջանին մինչև հոկտեմբերի 28-ը՝լրացնելով մի քանի պարզ սլայդ այստեղ և ուղարկելով [email protected] էլ. փոստին:
– Մասնակցել Hackathon[YAN] Start 2013 24-ժամյա մրցույթին և ներկայացնել Ձեր գաղափարի/նախագծի նախատիպը իրական ներդրողներից կազմված ժյուրիին:
– Խորհրդատուների հետ միասին զարգացնել, հղկել և կատարելագործել Ձեր նախագիծը՝ պարբերական հանդիպումների, բրեյնսթորմերի, քննարկումների միջոցով:
Ի՞նչ է տալիս նոր կարգավիճակը նորաստեղծ ընկերությանը/թիմին
Մայքրոսոֆթ ինովացիոն կենտրոնը և Մայքրոսոֆթ ԱրԷյ-ը առաջարկում են աջակցության մի քանի մոդելներ, որոնք հաջողությամբ գործում են աշխարհի լավագույն աքսելերատորներում: Այժմ Ձեր սթարթափի գրասենյակը կգտնվի Մայքրոսոֆթ ինովացիոն կենտրոնում, դուք հնարավորություն կունենաք օգտվել կենտրոնի բոլոր ռեսուրսներից, տեխնոլոգիաներից, սարքավորումներից, ծառայություններից, մասնակցել բոլոր միջոցառումներին, դասընթացներին անվճար և տեղում ստանալ բիզնես/ տեխնոլոգիական խորհրդատվություն: Կենտրոնի թիմի և հրավիրված գործարար մենթորների մշտական հսկողությամբ Ձեր գաղափարը կվերածվի պատրաստի պրոդուկտի/լուծման ընդամենը մի քանի ամսում:
Ինկուբացիոն 6-9 ամսյա շրջանի ավարտին ՄԻԿ-ի աջակցությամբ հնարավորություն կունենաք ստանալ մինչև 50.000$ ֆինանսավորում/ներդրում հայկական կամ արտասահմանյան ֆինանսավորման աղբյուրներից:
