Ford ընկերության եվրոպական ստորաբաժանումն աշխատում է մեքենայի խելացի նստատեղի ստեղծման վրա: Այն կկարողանա կանխորոշել վարորդի սրտի կաթվածը և այդպիսով կկանխի վթարը:
Նստատեղն ունի 6 սենսորներ, որոնք չափում են վարորդի զարկերակը: Այն հիմնականում աշխատում է սենսորային զարկերակաչափերի պես, բայց, ի տարբերություն դրանց, կարիք չկա այն վարորդի մարմնին ամրացնելու: Ցուցիչները շարունակաբար վերահսկում են վարորդի սրտի զարկերի հաճախականությունը և արձագանքում որևէ շեղումների դեպքում: Եթե ցուցիչները կանխատեսում են, որ շուտով վարորդը կարող է սրտի կաթված ստանալ, դրանք մեքենան կանգնացնելու և շտապ օգնություն զանգահարելու ազդանշաններ են տալիս:
Համաձայն վիճակագրության՝ սրտի հետ խնդիրներ ունեցող վարորդների վթարի ենթարկվելու հավանականությունը 23%-ով բարձ է, իսկ ստենոկարդիայով հիվանդներինը՝ 52%-ով:
Աղբյուրը՝ The Daily Mail