Microsoft ընկերությունը պատրաստում է միանգամից 6 հեռուստասերիալ իր Xbox կցորդի հեռուստատեսային ծառայության համար, հաղորդում է Bloomberg-ը:
Հայտնի է, որ Microsoft-ի առաջին նախագծերը կդառնան գիտաֆանտաստիկ Humans սերիալը, ֆուտբոլային ռեալիթի-շոու Every Street United-ը, Սարա Սիլվերմանի և Մայքլ Սերայի կոմքիս-սքեթչերը և Էքստրիմալ հաշմանդամի մասին փաստագրական ֆիլմերի շարքը: Բացի նշվածներից, նկարահանման են պատրաստվում մի շարք այլ շոուներ:
Ընկերությունը նշել է, որ Xbox օգտագործողները հնարավորություն կունենան անվճար դիտել որոշ շոու-ծրագրեր և սերիալներ: Նշենք, որ Microsoft-ի հեռուստաստուդիան ղեկավարում է CBS հեռուստաընկերության նախկին ղեկավար Նենսի Տելեմը:
Աղբյուրը՝ Bloomberg.com
