Հաքերները նշել են ցանկացած iPhone կոտրելու արժեքը

Ամերիկյան DriveSavers ընկերությունը բոլոր ցանկացողներին առաջարկում է ցանկացած սերնդի iPhone-ի ապաարգելափակում իրականացաննել:

Ինչպես նշում է The Verge-ը, այս առաջարկը օգտակար կլինի նրանց համար, ովքեր մոռացել են գաջեթի գաղտնագիրը կամ ցանկանում են միացնել մահացած հարազատի հեռախոսը:

Ընկերությունում այդ նպատակով նոր տեխնոլոգիա են կիրառում, որը մինչ այդ կիրառվել է բացառապես միայն իրավապահ մարմինների կողմից:

Ընկերությունում խոստանում են, որ այդ տեխնոլոգիան չեն օգտագործի իրավապահ մարմիններին օգնելու համար: Այդ տեխնոլոգիայի օգնությամբ հնարավոր է վերականգնել բոլոր տվյալները՝ հեռախոսահամարներից մինչև լուսանկարներ և տեսանյութեր:

Սակայն ծառայությունից օգտվել ցանկացողները պետք է հաստատեն, որ գաջեթն օգտագործելու իրավունք ունեն: Նշվում է, որ ծառայության արժեքն է 3900 դոլար: