Այսօր Google–ը տոնում է իր հիմնադրման 20 ամյակը։ Ընկերությունը հիմնադրել են Ստենդֆորդի համալսրաանի երկու ուսանողներ` Լարի Փեյջն ու Սերգեյ Բրինը։
«Բարի ընկերության» հիմնադիրները դեռ 1996 թվականից ուսումնասիրում էին համացանցում ինչ–որ բան փնտրելու ճանապարհներն ու գաղտնիքները։ Արդյունքում երիտասարդները ստեղծեցին մի որոնողական համակարգ, որն աճելով` այսօր ավելին է քան փնտրելու գործիքը։
Լարի Փեյջ, Սերգեյ Բրին
1997 թվականի սեպտեմբերի 15–ին նրանք ամրագրեցինք Google.com դոմեյնը, իսկ մեկ տար անց` 1998 թվականի սեպտեմբերի 4–ին պաշտոնապես գրանցվեց Google ընկերությունը։ Ընկերության զարգացման և ձեռքբերումների մասին խոսելը թերևս ավելորդություն է։
Այսպիսի տեսք ուներ Google–ը 1998 թվականին
Այսօր Google.c0m օրական 6 միլիարդ հարցում է իրականացնում։ Բացի այդ ընկերությունն առաջարկում է մի շարք այլ ծառայություններ` Gmail, Drive, Photos, Maps, YouTube, Chrome, Assistant և, իհարկե, Android օպերացիոն համակարգը։
Բացի այդ Google–ն առաջարկում է սեփական արտադրության սմարթֆոնները, պլանշետները, նոութբուքերը, սմարթ բարձրախոսները և այլն։
2017–ից Google–ը մտնում է Alphabet ըկերության մեջ։