Վերջերս հաճախ են լուրեր պտտվում, որ Facebook սոցցանցը փորձարկում է սեփական երաժշտական ծառայություն, որը մրցելու է Spotify, Apple Music և այլ նմանատիպ հավելվածների հետ։
Music Ally կայքը գրում է, որ ծառայության գործարկումը կկայանա մոտակա ամիսների ընթացքում։ Սակայն մինչ այդ սոցցանցը ցանկանում է հավաստիանալ, որ ծրագիրը կայուն ու արդյունավետ է աշխատում։
Ըստ աղբյուրի՝ Facebook-ը համաձայնության կգա երաժշտական բովանդակության իրավատերերի հետ ու կվճարի նրանց ծառայությունից ստացած եկամտից տոկոսներ։ Իրավատերերն իրենց հերթին կկարողանան գրանցել իրենց երգերը, ինչպես YouTube-ում է, ու օրենքի խախտումների դեպքում արգելափակել անօրինական բովանդակությունը։
Աղբյուրը՝ Music Ally