Garmin ընկերությունը MWC ցուցահանդեսին ներկայացրել է vivoactive HR սարքը, որը GPS մոդուլով խելացի ժամացույց է՝ նախատեսված մարզիկների համար: Այն ունի 1,4 դյույմանոց էկրան՝ 148 х 205 պիքսել թույլատրելիությամբ:
Շնորհիվ ներքին GPS մոդուլի vivoactive HR-ը հնարավոր է օգտագործել գոլֆով, դահուկով և այլ մարզաձևերով զբաղվելիս: Սարքը կարելի է օգտագործել նաև լողալիս. այն ջրակայուն է և կարող է սուզվել մինչև 50 մ:
Ժամացույցները կարողանում են նաև ստուգել սրտի աշխատանքը ֆիրմային Garmin Elevate ցուցիչով:
Ժամացույցն ունի նաև արագաչափ և բարոմետր, բացի այդ՝ էկրանը միշտ ակտիվ է: Ժամացույցը հասանելի կլինի երկու չափսով, սև, սպիտակ, կարմիր ու դեղին գունային տարբերակներով:
Աղբյուրը՝ ixbt
