Skype-ն ունի հյուրերի համար նախատեսված ֆունկցիա, որով այժմ հնարավոր է առանց գրանցվելու զանգեր կատարել, բայց այս ֆունկցիան հասանելի է միայն web-տարբերակում:
Նախևառաջ հարկավոր է այցելել Skype.com և միայն նշել ձեր անունը, որից հետո կբացվի նոր պատուհան, որտեղ առաջարկվում է հրավիրել զրուցակիցներին՝ հատուկ հղումներ ուղարկելով:
Թեև այս ֆունկցիան հյուրերի համար է նախատեսված, բայց գործառույթների առումով այն չի զիջում ծառայության ամբողջական տարբերակին: Հասանելի են և՛ տեսազանգերն, և՛ հաղորդագրությունները, այդ թվում ֆայլեր ուղարկելու հնարավորությունը:
Հաղորդագրություններով միաժամանաակ կարող են շփվել 300 հոգի, իսկ տեսակապերին մասնակցել մինչև 25 հոգի: Իհարկե կան նաև սահմանափակումներ, բայց դրանք սպասվածից քիչ են: Skype-ի հնարավորություններից առանց գրանցվելու կարելի է օգտվել ոչ ավել քան 24 ժամ, որից հետո պատմությունը անվերադարձ ջնջվում է: Նաև հյուրերի համար այս ֆունկցիան անհամատեղելի է Microsoft Translator-ի ծառայությունների հետ:
