ittrend.am-ը շարունակում է ներկայացնել Apple App Store-ի օրվա անվճար կամ զեղչված iOS-հավելվածները: Հետևեք մեզ ամեն օր՝ թեժ առաջարկներին տեղեկանալու համար (անհամապատասխանություններից խուսափելու համար խնդրում ենք կարգավորումներից ընտրել ԱՄՆ շուկան):
Գինը՝ 0.99$ — անվճար
Այս խաղի ընթացքում պետք է գունդը այնպես սահեցնել տախտակի մակերեսի վրայով, որպեսզի այն հասցնեք նպատակակետին՝ խուսափելով անցքերից: Այն ունի 36 աստիճանաբար բարդացող մակարդակ:
Questerium: Sinister Trinity, Collector’s Edition (Full)
Գինը՝ 4.99$ — անվճար
Այս խաղի ընթացքում պետք է փնտրել 2 մոլորված երեխաների գրեթե ամբողջովին ավերված քաղաքում: Պետք է նրանց փնտրել 39 տարբեր վայրերում՝ ճանապարհին լուծել 21 գլուխկոտրուկ:
Questerium: Sinister Trinity, Collector’s Edition HD (Full)
Գինը՝ 6.99$ — անվճար
Սա նախորդ խաղի HD թարմացված տարբերակն է, որը նախատեսված է հատկապես iPad-ով խաղալու համար: Խաղի էությունը նույնն է, խնդիրներն ու առաջադրանքները նույնպես:
PDF Markup Ultimate – Annotate PDFs and Web Pages
Գինը՝ 9.99$ — անվճար
Սա հրաշալի հավելված է PDF ֆորմատի ֆայլերի հետ աշխատելիս նշումներ անելու համար: Կարող եք ամպային համակարգից հավելվածով բեռնել PDF ֆայլը, որից հետո էլ կատարել գծանշումներ կամ ձայնային նշումներ: Հավելվածն ունի նաև սկանավորման հնարավորություն և մի շարք այլ օգտակար գործիքներ ու ֆունկցիաներ:
Գինը՝ 0.99$ — անվճար
Photo Reminder-ը կհիշեցնի իրադարձությունների, ծննդյան տոների, կարևոր գաղափարների և այն ամենի մասին ինչ կցանկանաք: Կարող եք ֆոտոների տեսքով կազմել ձեր առջև դրված առաջադրանքների գրաֆիկը կամ էլ սպասվելիք իրադարձությունների մասին հիշեցումները:
Audio spectrum analyzer and dB (decibel) meter
Գինը՝ 3.99$ — անվճար
Այս հավելվածը նախատեսված է իրական ժամանակում աուդիո վերլուծության համար: Հնարավոր է ստուգել ձայնի հնչողությունը տարբեր միջավայրերում:
