Google հավելվածում Android օգտատերերի համար մշակվել է նոր ֆունցիա, որի միջոցով հնարավոր կլինի որոնողական հարցեր տալ օֆլայն ռեժիմում: Հարցերը հավելվածը կպահի հիշողության մեջ, այնուհետև երբ վերականգնվի ինտերնետ հասանելիությունը ավտոմատ կերպով կպատասխանի և կտրամադրի փնտրված ինֆորմացիան: Սա ներմուծվել է հատկապես թույլ ինտերնետային կապի զոնաներում բնակվողների համար:
Եթե օֆլայն ռեժիմում մի քանի հարցումներ եք արել, ապա հավելվածը յուրաքանչյուրի արդյունքները հերթականությամբ կբեռնի և կպահպանի: Google հավելվածում ստեղծվել է նոր Manage searches բաժինը, որտեղ կարող եք հետևել որոնման արդյունքներին և ջնջել ոչ պետքական կուտակված ինֆորմացիան:
Այս ֆունկցիան արդեն հասանելի է հավելվածի թարմացված տարբերակում բոլոր Android օգտատերերի համար:
