YouTube-ում վայրկենական բեռնվում են հարյուրավոր տեսանյութեր՝ ամենատարբեր թեմաներով: Ներկայացնում ենք փոքրիկ հնարք, որը կօգնի արագ կերպով այդ մեծ քանակով նոր տեսանյութերից գտնել հենց ձեզ հետաքրքրողը:
Բոլորս էլ գիտենք, որ YouTube-ում հնարավոր է գտնել այն ամենն ինչ հետաքրքրում է պարզապես բաժանորդագրվելով հատուկ ալիքների և ստանալ ծանուցումներ նոր տեսանյութերի հրապարակման դեպքում: Սակայն քչերը գիտեն, որ YouTube-ում կան ավտոմատ կերպով գեներացվող էջեր, որոնք մեկ թեմայի շուրջ միավորում են բոլոր տեսանյութերը, playlist-երը և ալիքները:
Այդպիսի էջեր գտնելու համար, բավական է միայն ձեզ հետաքրքրող թեման անգլերենով որոնել և ավելացնել topic բառը: Որոնման արդյուքում առաջինը կհայտնվեն հենց այդպիսի էջերը, որոնք տարբեր աղբյուրներից գեներացնում են տվյալ թեմայի վերաբերյալ բոլոր նյութերը:
Եվ ամենակարևորն այն է, որ այդ էջերին հնարավոր է բաժանորդագրվել և ստանալ ծանուցումներ ամեն անգամ նոր նյութ հրապարակվելու դեպքում: Այս հնարքը ձեզ կազատի ամեն անգամ երկար ժամանակ տրամադրել ու քրքրել YouTube-ը, ձեզ անհրաժեշտ թեմայով տեսանյութեր գտնելու համար կամ էլ տասնյակ ալիքների բաժանորդագրվել: Այսպիսով ամեն ինչ մեկ տեղում է և ավելի հասանելի ու հարմարավետ:
