Ֆրանկոֆոնիայի օրերի ընթացքում Թումո Երևանում անցկացվում են նորարական միջոցառումներ։ Ֆրանսիացի հայտնի երաժիշտ Ժան Ժոֆրոն և թումոցիներից բաղկացած մոբայլ նվագախումբը ելույթ ունեցան և ներկայացրին Grame-ի Faust ծրագիրը։
Լիոնում Faust երաժշտական ծրագրավորման լեզվի մեկշաբաթյա դասընթաց անցած Թումոյի ուսանողների և աշխատակիցների խումբը, ինչպես նաև ծրագրի հեղինակ Grame-ից հրավիրված մասնագետը պատրաստել էին ինտերակտիվ համերգ՝ 30 սմարթֆոններով:
Faust-ը երաժշտությունը և ծրագրավորումը միավորող հարթակ է, որը հնարավորություն է տալիս ստեղծել և կատարել երաժշտություն՝ կոդեր գրելու միջոցով։ Դրա SmartFaust հավելվածի միջոցով թումոցիները, որպես երաժշտական գործիք օգտագործելով իրենց սմարթֆոնները համերգ տվեցին:
Հանդիսատեսը նույնպես միացել է ինտերակտիվ կատարմանը՝ սմարթֆոններում SmartFaust հավելվածի միջոցով:
Նշենք, որ միջոցառումը կազմակերպվել էր Grame-ի, Muscari Association-ի, Lyon Metropolis-ի, Հայաստանում Ֆրանսիայի դեսպանատան և Ֆրանսիական համալսարանի հետ համագործակցությամբ։
https://www.facebook.com/TumoCenter/videos/1374171142621048/
Նունե Գրիգորյան