Հոկտեմբերի 2-ին Երևանում կանցկացվի Հայաստանի Ինտերնետ կառավարման 3-րդ համաժողովը՝ ArmIGF 2017-ը: Թեման՝ ինտերնետ կառավարումը կայուն և ներառական զարգացման համար:
Համաժողովի նպատակն է`տրամադրել բաց և թափանցիկ հարթակ բոլոր շահառու ներկայացուցիչներին, բարձրաձայնել և քննարկել Ինտերնետ կառավարմանն առնչվող հարցերը, ազատ արտահայտվելու հնարավորություն տրամադրել լայն հանրությանը, ուղղորդել քննարկումների արդյունքում ձևավորված ուղերձը համապատասխան ատյաններին:
ArmIGF 2017-ի օրակարգում ընդգրկվել են հետևյալ առանցքային թեմաները՝
- Տեղեկատվական անվտանգություն
- Ինտերնետի ազդեցությունը ռադիո-հեռուստատեսության վրա
- Գրադարանները թվային դարում
- Ամպային տեխնոլոգիաներ
- Հաշմանդամություն ունեցող անձանց իրավունքները:
Ինչպես նաև նախատեսվում է անցկացնել աշխատանքային սեմինար՝ անհատական տվյալների պաշտպանություն թեմայով:
Նշենք, որ համաժողովը կազմակերպվում է «ՀՀ Ինտերնետ կառավարման համաժողով» միջգերատեսչական խմբի կողմից, ՀՀ Տրանսպորտի, կապի և տեղեկատվական տեխնոլոգիաների նախարարության, ինչպես նաև «Ինտերնետ հանրություն» ՀԿ-ի աջակցությամբ: