Այսպես կոչված ձայնային օգնականների վրա հիմնված ինտելեկտուալ համակարգերի արագ տարածումը նոր կիբեր վտանգներ է ստեղծում: Այս մասին են հայտնում տեղեկատվական անվտանգության ոլորտի հետազոտողները՝ նշելով, որ հաքերները հարձակումների համար կարող են դիմել ձայնային օգնականներին։
Apple-ի Siri, Amazon-ի Alexa, Google-ի օգնականը և առաջարկվող մյուս լուծումներն, առանց բացառության, խոցելի են:
Կիբեր հանցագործները կարող են ձայնային օգնականներին ստիպել թվեր հավաքել կամ բացել որոշ ցանցային ռեսուրսներ՝ անձայն ազդանշանների միջոցով նրանց հրմանաններ տալով:
Amazon-ի, Google-ի և Apple-ի ներկայացուցիչները նշում են, որ իրենց ձայնային օգնականները պաշտպանված են այդ հարձակումներից, սակայն գործնականում պարզվում է, որ նման հայտարարությունները հեռու են իրականությունից. հետազոտողները կարողացել են հարձակումներ իրականացնել՝ օգնականի ներկայիս տարբերակները օգտագործելով: