Apple ընկերությունը պատրաստվում է եռակի տեսախցիկով սմարթֆոն թողարկել, հաղորդում է թայվանական Economic Daily News-ը:
Պարբերականի փոխանցմամբ, տեխնոհսկան պատրաստվում է մրցակցել Huawei-ն և թողարկել եռաչափ տեսախցիկով սմարթֆոն: Ըստ երևույթի՝ նոր տեսակի սմարթֆոնը նախատեսված է տարբեր տեսակի հավելվածներին ծառայելու համար: Նոր տեսակի հավելվածները հիմնականում մտնում են վիրտուալ իրականությանը վերաբերող հավելվածների խմբի մեջ: Նշվում է, որ եռակի տեսախցիկներից երկուսը կծառայեն օբյեկտը տարբեր անկյուններից նկարելու համար, իսկ երրորդը կհաշվարկի օբյեկտի և սմարթֆոնի միջև հեռավորությունը:
Հիշեցնենք, որ չինական ընկերությունը շաբաթներ առաջ թողարկեց Huawei P20 Pro սմարթֆոնը, որը ուներ եռակի տեսախցիկ:
