Կոռնելի համալսարանի պրոֆեսոր, աստղագետ Երվանդ Թերզյանը բացառիկ ծառայության համար արժանացել է NASA-ի մրցանակին: Սա NASA-ի շնորհած ամենաբարձր պարգևն է: Պարգևատրման արարողությունը տեղի կունենա օգոստոսի 2-ին և կցուցադրվի NASA TV-ի ուղիղ եթերով:
Ինչպես նշվում է NASA-ի հայտարարության մեջ, Երվանդ Թերզյանը իր կյանքը նվիրել է կրթությանը, հանրային ծառայությանը և գիտահետազոտական աշխատանքներին:
Թերզյանը հայտնի է աստղերի էվոլյուցիայի և հեռավոր գալակտիկաների միջև գազային ջրածնի հայտնաբերման բնագավառում իր հետազոտության համար, որը ցույց է տալիս անտեսանելի նյութի գոյությունը միջագալակտիկ տարածությունում: Նա 235 գիտական աշխատանքի հեղինակ է և 7 գրքի խմբագիր: