Գերմանական Volkswagen ընկերությունը դիտարկում է էլեկտրական ամենագնացի սերիական թողարկման հավանականությունը:
Ինչպես հայտնում է Motor.ru-ն, եթե ղեկավարությունը համաձայնություն տա նախագծի իրականացմանը, կոնցեռնի մոդելային շարքում կհայտնվի Land Rover Defender-ի և Jeep Wrangler-ի մրցակիցը:
Գերմանական աղբյուրի տեղեկություններով՝ նորույթը կկառուցվի MEB էլեկտրական հարթակի հիման վրա՝ թափքի երկու տարբերակով. երեքդռնանի (4,5 մետր երկարությամբ) և հինգդռնանի (4,8 մետր): Ենթադրվում է, որ ամենագնացը կստանա T-Rug անվանումը, իսկ դրա շուկայական դեբյուտը կկայանա 2022-ից ոչ շուտ:
