Այսօր բոլորն են ուզում շատ հետևորդներ և հավանումներ ունենալ Instagram-ում մի քանի պատճառով, որոնցից թերևս առանձնացվելիքը հետագայում գումար աշխատելու գայթակղությունն է։ Ցանկանում են բոլորը, սակայն դա հաջողվում է ոչ բոլորին։ Մի քանի խորհուրդ հայտնի բլոգերից, թե ինչպես դառնալ հայտնի ինստագրամյան տիրույթում։
1․ Ամենակարևորը՝ ընտրեք ձեր հաշվի գործունեության, այսպես ասած, ոլորտը և հավատարիմ մնացեք դրան։ Խայտաբղետությունն այստեղ ընդունելի չէ։ Կարևորը ընտրած ոլորտը հենց ձեզ համար լինի հետաքրքիր։
2․Հետաքրքիր փաստեր նշեք ձեր մասին։ Պետք է այնպիսի բան գրել հաշվի նկարագրության բաժնում, որ միանգամից աչքի ընկնի, հիշեք, որ ձեր մասին սեղմ նկարագրությունն առաջինն է, ինչ տեսնում են ձեր հաշիվ մուտք գործող մարդիկ։
3․ Պատմություններ պատմեք։ Բլոգեր դառնալու համար բավական չէ միայն լուսանկար կամ հոլովակ տեղադրել սոցցանում, պետք է նաև հետաքրքիր նկարագրություններ մտածել դրանց համար։ Լավ կլինի, եթե դա լինի պատմություն։ Կարևոր է լինել անկեղծ, հետևորդները զգում են կեղծավոր և հորինված բաները։
4․Ձեր լրահոսը պետք է գրավիչ լինի։ Իսկ սա նշանակում է մեկ բան՝ պետք է ձեր լուսանկարները կամ հոլովակները դիտվան իրար կողքին գեղեցիկ և համահունչ։ Որպես խորհուրդ՝ ընտրեք լուսանկարները մշակելու մեկ ձև։
5․Անընդհատ թարմացրեք կոնտենտը։ Ինստագրամյան աստղերից շատերը հրապարակումներ են անում ամեն օր, ոմանք նախընտրում են շաբաթը մեկ կամ մի քանի անգամ։ Եթե այդքան ժամանակ չունեք հրապարակումներ անելու համար, կարող եք դրանք պլանավորել՝ օգտվելով Buffer, Planoly, Preview կամ Ripl հավելվածներից։
6․Ճիշտ #հեշթեգներ օգտագործեք։ Սրանք ուղիղ անապարհ են ցույց տալիս դեպի ձեր հաշիվ մյուս օգտատերերին։ Հիշեք, ակտուալ հեշթեգերը միշտ չէ, որ լավ որոշում է, քանի որ դրանցից օգտվում են շատերը։ Հորինեք ձերը։
7․Ճիշտ շփվեք հետևորդների հետ։ Հրապարակման մեջ անպայման այնպիսի բաներ գրեք, որոնք գործողությունների կդրդեն։ Կարող եք սկսել հարցեր գրել և առաջարկել պատասխանել մեկնաբանություններում։
