iOS 13 նոր օպերացիոն համակարգը հասանելի չի լինի iPhone 6 և ավելի հին մոդելների համար։ Այս մասին հայտնում են iPhonesoft-ից։
Հարթակի տեղեկությունների համաձայն, iPhone 6, 6 Plus, SE և 5S-ը չեն ունենա iOS 13 կիրառելու հնարավորություն, որը կթողարկվի այս տարվա հունիսին։ Ըստ մասնագետների, ընկերության նման որոշումը կադզի հատկապես iPhone 6 օգտատերերի վրա՝ չնայած մոդելը թողարկվել է 2014 թվականին, բայց մինչ օրս համարվում է պատմության մեջ ամենաշատ վաճառված գաջեթներից մեկը։
Ինչ վերաբերում է iPad-ին, ապա, ամենայն հավանականությամբ, iOS 13-ը հասանելի կլինի iPad mini 2 և iPad Air մոդելների համար, որոնք ներկայացվել են 2013 թվականին՝ iPhone 5s-ի հետ միասին։
