Այս շաբաթ Միացյալ նահանգների տարածքում սկսվել է Samsung Galaxy S10 5G-ի վաճառքը: Դրանից անմիջապես հետո ցանցում հայտնվեցին սմարթֆոնի թեստավորման հոլովակները:
The Verge-ի լրագրողները նույնպես մասնակցել են 5G թեստավորմանը և կիսվել արդյունքներով: Ինչպես նշում են լրագրողները՝ ներկայումս նոր սերնդի ցանցի միակ խնդիրը ընդգրկված տարածքներն են:
Թեստավորման համար լրագրողների Netflix-ից սերիալի մեկ էպիզոդ են ներբեռնել, որը տևել է ընդամենը 8 վայրկյան: Իսկ սովորական լիամետրաժ ֆիլմ ներբեռնելու համար պահանջվել է մոտ 90 վայրկյան ժամանակ:
Ներկայումս 5G ցանցը, որը ներկայացնում է Verizon կապի օպերատորը, տարածվում է միայն Չիկագոյում և Մինեապոլիսում: Ինչպես նշում են մասնագետները, Samsung Galaxy S10 5G-ի վաճառքը կնպաստի նոր սերնդի կապի արագ տարածմանը:
