Հայ ուսանողի ստեղծած խելացի զոդման կայանը կօգնի որոշել ճիշտ ջերմաստիճանը

Խելացի բնակարաններով, իրերի ինտերնետով, խելացի ու «բանիմաց» սառնարաննեով արդեն ոչ մեկին չես զարմացնի, դրանք աննկատ, բայց մտել են մեր կյանք ու հարմարավետ տեղավորվել: Իսկ ահա խելացի զոդման կայանը նորարարությունների ու նորությունների շարքին կարելի է դասել հատկապես, երբ դա հայրենական արտադրության է, իսկ հեղինակները ուսանողներ են: Համահեղինակ Վարդգես Ավագյանը ittrend.am-ին պատմել է, թե ինչ հնարավորություններ ունի իր և ընկերների հեղինակած համակարգը։ Զոդման կայանում օգտագործվել է LM օպերացիոն ուժեղարարներ,  կա 4 միակցիչ, որոնցից եկրուսը պատասխան են տալիս ջերմության համար: Մյուս երկուսը՝ սնուցման համար են:

«Հատուկ տվիչների միջոցով տվյալներ է հաղորդվում այդ պահին զոդիչի ծայրի տաքության մասին և մարդը կարողանում է այն կառավարել։ Մենք վերցրել ենք և մեծ տերմոտվիչը միացրել ենք LM  օպերացիոն ուժեղարարանին ՝ ստացված ազդանշանը ձևափոխվում է ու ելքում տալիս ազդանշան, որով կարելի է կառավարել սարքը, դրա հաշվին էլ ջերմաստիճանի կարգավորումն է տեղի ունենում»:

Այն կայանը, որը հավաքվել է ներկայումս  մեծ կիրառություն չի գտնի, նշում է հեղինակը, որովհետև կիրառվում է հին մեթոդ, իսկ հիմա նման սարքերում կիրառվում են թվային կարգավորիչներ, ինչը հետագայում կհայտնվի այստեղ, բայց արդեն հաջորդ մոդելում: Նման սարքը նախատեսվում է կիրառել բոլոր վերանորոգման կենտոններում, ինչպես նաև փոքր և միջին արտադրություններում:

«Զոդման կայանը հավաքելու համար  քիչ ժամանակ է պահանջվել, մենք հիմնական նպատակն էր Հայաստանում եղած հնարավորություններով ստանալ զոդման կայան, որը իր չափորոշիչներով չի զիջի չինականին և կլինի ավելի էժան, ծախսը, որ մենք արել ենք ավելի քիչ է եղել շուկայում առկա առաջարկներից: Ստեղծել ենք ես ու ընկերս Անել լաբորատորիայում»:

Սխեմաները, պլատաները և մյուս կարևոր մասերը նախագվել ու հավաքել են թիմակիցները:

Սյուզան Թոսունյան