Հարավային Կորեայում ավելի քան 1 մլն մարդ արդեն պատվիրել է ավելի քան 1000 դոլար արժողությամբ Galaxy Note 10 սմարթֆոնը

Ավելի քան 1 մլն հարավկորեացի արդեն նախապես պատվիրել է հարավկորեական Samsung ընկերության Galaxy Note 10 սմարթֆոնը: Այդ մասին ասվում է կորպորացիայի կայքում հրապարակված հաղորդագրության մեջ:  

Ըստ հաղորդագրության՝ օգոստոսի 9-ից երկրում 3 առաջատար բջջային օպերատորները սկսել են նոր սմարթֆոնի նախապատվերների ընդունումը, որոնց վաճառքը մեկնարկելու է օգոստոսի 23-ին:

Հարավային Կորեայում 6,3 դյույմ անկյունագծով էկրանով Note 10-ի արժեքը 1,2 մլն վոն է՝ 1025 դոլար, իսկ 6,8 դյույմ անկյունագծով էկրանով մոդելինը՝ 1,5 մլն վոն՝ 1250 դոլար: