Samsung Galaxy S11 սմարթֆոնների ընտանիքը կհամալրվի երեք 5G մոդելներով

Համացանցային աղբյուրները հրապարակել են նախնական ինֆորմացիա Galaxy S11 ֆլագմանային սմարթֆոնների մասին, որոնք Samsung ընկերությունը, ինչպես սպասվում է, կներկայացնի հաջորդ տարվա առաջին եռամսյակում: Հաղորդվում է, որ նոր ընտանիքը կհամալրվի նվազագույնը 3 ապարատով՝ բջջային ցանցերի 5-րդ սերնդի աջակցությամբ(5G):Այդ սարքավորումները ներկայում ձևավորվում են SM-G981,SM-G986 և SM-G988 կոդերով:

Ավանդաբար Galaxy S11-ի փոփոխությունները կթողարկվեն Exynos և Snapragon հաջորդ սերնդի պրոցեսորներով:Խոսվում է էկրանին ներկառուցված դակտիլոսկոպիկ(մատնադրոշմային) սքաների հնարավորության մասին:

Սմարթֆոնները բազմամոդուլ հիմնական ֆոտոխցիկի հնարավորություն ունեն՝ ISOCELL սենսորով 48մլն. կամ 64մլն. փիքսել հզորությամբ:
Բացի այդ, հաղորդվում է, որ Samsung-ը թողարկման է պատրաստում նոր սմարթֆոն՝ ճկուն էկրանով համալրված: Այդ ապարատն ունի SM-F900F ծածկագիրը: Սարքավորման տեխնիկական բնութագրման մասին,ցավոք, տեղեկատվություն չկա:

Gartner-ի գնահատմամբ, ընթացիկ տարվա երկրորդ եռամսյակում աշխարհի մասշտաբով իրացվել է 367,9մլն. սմարթֆոն:Այն 1,7%-ով քիչ է 2018թ.-ի երկրորդ եռամսյակի համեմատ:Samsung_ը համարվում է խոշորագույն արտադրող՝ 75,1մլն իրացված ապարատով և 20,4% բաժնեմասով: