Եվրամիությունը մտադիր է հինգերորդ սերնդի՝ 5G շարժական ինտերնետի առաջին ցանցերը գործարկել արդեն այս տարվա վերջին: Այդ մասին ասված է Եվրամիության երկրներում 5G համակարգերի ստեղծման ՝ Եվրահանձնաժողովի հրապարակած ճանապարհային քարտեզում:
Փաստաթղթում նաեւ նշվում է, որ ԵՄ-ն կսահմանափակի օտարերկրյա ընկերություններին այդ համակարգերի ստեղծմանը մասնակցելու հնարավորությունը ՝ առաջնորդվելով Ազգային անվտանգության սկզբունքներով: «5G — ի առաջին ծառայություններն արդեն այս տարվա վերջին կգործարկվեն Եվրամիության 138 քաղաքներում », — ասված է փաստաթղթում:
Ինչպես հայտարարել է Եվրահանձնաժողովի փոխնախագահ Մարգրետե Վեսթագերը, 5G համակարգերը « պետք է երաշխավորեն լիակատար հուսալիություն ցանկացած տիպի կիբեր սպառնալիքներից»: Նա հայտարարել է, որ Եվրահանձնաժողովը մտադիր է երաշխավորել ընկերությունների ընտրության հուսալի համակարգ և հավաստիացրել է, որ այդ համակարգը «կլինի թափանցիկ եւ չի ուղղվի կոնկրետ երկրների դեմ»։
Ինչպես իր հերթին հայտարարել է ներքին շուկայի հարցերով եվրահանձնակատար Թիերի Բրետոնը, «5G համակարգի ռիսկերը անհամեմատելի են այսօր գոյություն ունեցող էլեկտրոնային ռիսկերի հետ, քանի որ դրանք սկզբունքորեն նոր համակարգեր կլինեն, որոնք նախկինում գոյություն չեն ունեցել: 5G — ի օգնությամբ կկառավարվեն ենթակառուցվածքային, էներգետիկ համակարգերը, հիվանդանոցների սարքավորումները, ավտոմատացված արտադրությունները, ուստի ԵՄ-ի երկրները որոշել են առանձնացնել այդ համակարգերի զարգացման համար կոնկրետ ռիսկերը եւ նախապատրաստել այդ սպառնալիքների չեզոքացման միջոցառումների ցանկը», — հայտարարել է Բրետոնը ՝ ընդգծելով, որ այդ համակարգի ստեղծման անվտանգության եւ թույլտվության նորմերը «չափազանց խիստ կլինեն», սակայն դա հիմնված է «օբյեկտիվ անհրաժեշտության եւ չափանիշների վրա»:
