Ավստրալիայի Մոնաշի համալսարանի գիտնականները խնձորի բերքն արագ հավաքելու նպատակով ռոբոտ են մշակել։ Այս մասին հայտնում է New Atlas-ը։
Սարքն ունի հատուկ տեսախցիկներ, որոնք աշխատում են ալգորիթմների միջոցով։ Դրանք սկանավորում են խնձորի ծառերը և պոկում պտուղները, այնուհետև դրանք առանց վնասելու գցում են զամբյուղի մեջ։
Նշվում է, որ ռոբոտը ծառի վրա աճած պտուղների ավելի քան 90 տոկոսը «տեսնում է» բառացիորեն վայրկյանների ընթացքում:
Սարքի փորձարկումը ցույց է տվել, որ ռոբոտը վնասել է հավաքած խնձորների ընդամենը 6 տոկոսը։
Կես հզորությամբ աշխատելու պարագայում ռոբոտը խնձոր է հավաքում յուրաքանչյուր 12,6 վայրկյանը մեկ, իսկ ամբողջ հզորությամբ՝ 7 վայրկյանում։
