Տարվա ընթացքում կրելի գաջեթների համաշխարհային շուկան նվազել է. Ո՞վ է առաջատարը

Apple-ը շարունակում է գլխավորել էլեկտրոնիկայի համաշխարհային շուկան, սակայն 2022 թվականի երկրորդ եռամսյակում նրա մասնաբաժինը նվազել է ինչպես առաջին եռամսյակի, այնպես էլ 2021 թվականի նույն ժամանակահատվածի համեմատ։

IDC վերլուծական ընկերությունը հրապարակել է ապրիլից հունիս ամիսների կրելի էլեկտրոնիկայի շուկայի ուսումնասիրության հաշվետվությունը։ Առաջատարը Apple-ն է՝ 25% մասնաբաժնով։ Սա 6%-ով պակաս է 2022 թվականի սկզբի ցուցանիշից և 3%-ով պակաս, քան 2021 թվականի երկրորդ եռամսյակում։

Բացի Apple-ից, լավագույն արտադրողների հնգյակում են հարավկորեական Samsung ընկերությունը, չինական Xiaomi-ն և Huawei-ն, ինչպես նաև հնդկական Imagine Marketing-ը: Մնացած բոլոր ընկերությունները ընդհանուր առմամբ ունեն 43% մասնաբաժին: Տարվա ընթացքում կրելի գաջեթների շուկան նվազել է 6,9%-ով։ Ընդհանուր վաճառքը կազմել է 107,4 մլն միավոր։