Համաքաղաքային շաբաթօրյակին իր ակտիվ մասնակցությունն է ունենալու Ռոստելեկոմ ընկերության աշխատակազմը՝ ընկերությունը կարևորում է կորպորատիվ սոցիալական պատասխանատվությունը և հրավիրում է բոլոր ցանկացողներին միանալ:
Ընկերության աշխատակիցների կողմից մաքրման աշխատանքներ կիրականացվեն Դավիթաշենի համայնքային այգում (I և II թաղամասերի միջնամասում), ուր գործում է ընկերության անվճար WiFi ինտերնետ կապը:
Մաքուր և բարեկարգված այգում առավել հաճելի կլինի հանգստի կազմակերպումը համատեղել ինտերնետ ծառայություններից օգտվելու հետ:
Նման ծրագրերի շնորհիվ Երևան քաղաքը և տեղաբնակներին, և հյուրերին ներկայանում է որպես հյուրընկալ քաղաք՝ ավելի հարմարավետ դարձնելով կյանքը նորագույն տեխնոլոգիաների կիրառմամբ:
Մաքրման աշխատանքներ կիրականացվեն նաև Էրեբունի փողոցի ընկերության սպասարկման սրահին հարող տարածքում:
Հայաստանում «Ռոստելեկոմ» ապրանքանիշի ներքո ՋԻԷՆՍԻ-ԱԼՖԱ ՓԲԸ կողմից մատուցվող ծառայություններն արդեն իսկ հասանելի են Երևան քաղաքի որոշ համայնքներում և շուտով բոլորը հնարավորություն կստանան օգտվելու ընկերության բարձրակարգ ծառայություններից:
ՌՈՍՏԵԼԵԿՈՄԸ կոչ է անում մեր բոլոր համաքաղաքացիներին միանալ մաքրման աշխատանքներին՝ մաքուր քաղաքը մեր և մեր երեխաների առողջության գրավականն է: