Microsoft ընկերության հիմնադիր Բիլ Գեյթսն ընդունել է, որ CTRL-ALT-DEL ստեղների կոմբինացիան, որի միջոցով տարիներ շարունակ օգտագործողները միացել են համակարգչին սխալ է եղել և այն պետք է ավելի պարզ լիներ, ինչպես օրինակ Apple-ի Mac համակարգիչներում:
«Մենք պետք է ունենայինք մեկ կոճակ, բայց տղաները, ովքեր աշխատում էին IBM-ի ստեղնաշարի վրա չցանկացան տրամադրել մեզ մեկ ստեղն», – ասել է ընկերության հիմնադիրը Հարվարդի համալսարանում տեղի ունեցած հարցուպատասխանի ժամանակ:
Այս կոմբինացիան աշխատում է նաև հիմա՝ Microsoft-ի վերջին Windows 8 օպերացիոն համակարգում: Սակայն հիմա դա ճանապարհ է արագ անջատելու համակարգիչը, կամ բացելու ՕՀ-ի կառավարման համակարգը և ղեկավարելու ընթացող պրոցեսները:
Աղբյուրը՝ CNN