Հոկտեմբերի 9-ին Google-ը հայտարարեց, որ ավելացնում է նոր հնարավորություններ իր քարտեզների մեջ, որպեսզի օգտագործողները կարողանան կատարել հատուկ որոնումներ, օրինակ` գտնել հասանելի հյուրանոցներ, թռիչքներ, ռեստորաններ կամ տեսնել սպասվող իրադարձությունների ցուակը:
Նոր հնարավորությունը ծանոթ է թվում, որովհետև Google-ը արդեն սկսել է փորձարկել այդ գործիքների մի մասը օգոստոս ամսին:
Նոր Google Maps-ում օգտագործողները կկարողանան նշել մեկից ավելի վերջնակետ մեկ ուղևորության համար: Սկզբնական կետը ընտրելուց հետո մարդիկ կարող են “+” կոճակին սեղմել` ավելացնելու համար ճանպարհին սպասվող կանգառները: Հնարավորությունը հասանելի կլինի ավտոմեքենայի, հեծանիվի և քայլելու ուղեգիծների համար:
Օգտագործողները նաև կկարողանան գտնել և ամրագրել ինքնաթիռների թռիչքներ, հյուրանոցների սենյակներ, ռեստորանների սեղաններ: Հնարավորությունը հասանելի կլինի միայն նրանց համար, ովքեր մուտք են գործել իրենց Google-ի հաշիվը: Բացի այս ամենից, մարդիկ կկարողանան գտնել տարբեր միջոցառումներ տարբեր տեղանքների համար՝ համերգներ, շնորհանդեսներ, փառատոններ և այլն:
Աղբյուրը՝ pcworld.com