10 նորամուծություն Android-ի 4.4 KitKat տարբերակում

Android KitKat

Google-ն իր պաշտոնական բլոգում ներկայացնում է նոր ՕՀ-ի ամենակարևոր նորամուծությունները:

Թարմացված ծրագիր զանգերի համար

Կոնտակտներում հեռախոսահամարները դասակարգվում են ըստ շփման հաճախականության: Բացի դրան օգտագործողը կարող է ներմուծել մոտ գտնվող ցանկացած ընկերության անվանում և սմարթֆոնը կգտնի նրանց հետ կապվելու համար անհրաժեշտ հեռախոսահամարը՝ Google Maps-ի հետ ինտեգրացիայի շնորհիվ:

Google Now-ն ավելի մոտիկ է դարձել

Ինտերնետ հսկայի վիրտուալ օգնականը, որը ցուցադրում է օգտագործողին նրան անհրաժեշտ ինֆորմացիան ըստ նրա կոորդինատների, այսուհետ միշտ կլինի Android սարքավորումների վերևի ձախ անկյունում:

Միայն Hangaouts

Hangouts ծառայությունը, որն ի սկզբանե Google-ը նախագծել էր որպես այլընտրանք Skype-ին՝ ինտեգրվել է Android 4.4-ում: Հավելվածը փոխարինել է ավանդական SMS հաղորդագրությունների համակարգին և թույլ է տալիս փոխանակվել նկարներով և տեսանյութերով այլ Android օգտագործողների հետ:

Ցածր տեխնիկական պահանջներ

Google-ը ստեղծել է քիչ ռեսուրսներ ծախսող ՕՀ: KitKat-ում իջեցվել է պահանջվող օպերատիվ հիշողության չափը և արդյունքում ավելացել է սմարթֆոնների և պլանշետների թիվը, որոնք կարող են աշխատել Android 4.4-ով:

Դիզայն և նավարկում

Վերին և ստորին նավարկման պատուհանները այժմ կիսաթափանցիկ են, ինչը թույլ է տալիս էկրանի ֆոնային նկարին երևալ ամբողջությամբ:

Հարմար տպագրում

Օգտագործողը կարող է տպագրել ցանկացած բովանդակության մաս Android հավելվածներից` նկարներ, փաստաթղթեր, վեբ-էջեր՝ իր սմարթֆոնից կամ պլանշետից Wi-Fi-ի միջոցով՝ միացնելով այն Google Cloud Print ամպային ծառայությանը, եթե կա դրան միացված տպագրող սարք:

Վճարում սմարթֆոնից NFC-ի միջոցով

Աստիճանաբար շատանում են բանկային հաշիվների հետ ինտեգրված SIM քարտերը, ինչը թույլ է տալիս վճարումներ կատարել միանգամից սմարթֆոնից: Android 4.4-ում ավելի հեշտ է դարձել NFC-ի միջոցով վճարումներ կատարող հավելվածների ստեղծումը:

Քայլերի ճանաչում և հաշվարկ

Հավելվածներ պատրաստող ծրագրավորողները կարող են օգտվել նաև երկու նոր ֆունկցիաներից` քայլերի ճանաչում և հաշվարկ: Դրանց միջոցով հնարավոր է հաշվել քայլերի քանակը վազքի ընթացքում, ինչն օրինակ օգտակար կլինի ֆիտնես-հավելվածների համար:

Էկրանի ձայնագրում

Օգտագործողը կարող է ձայնագրել էկրանի վրա տեղի ունեցող գործողությունների բարձրորակ տեսահոլովակ, որտեղ, օրինակ, երևում է Android-ի հավելվածներից մեկի աշխատանքը, ինչը կարող է օգտագործվել ուղեցույցների ստեղծման համար:

Աղբյուր` Digit.ru