Օսկարակիր սցենարիստ Ահարոն Սորկինը ավարտել է նոր ֆիլմի սցենարի շուրջ աշխատանքները: Նոր ֆիլմը կնկարահանի Sony Pictures կինոընկերությունը: Ֆիլմում հիմքում ընկած է Apple ընկերության համահիմնադիր լեգենդար Սթիվ Ջոբսի կենսագրական բեսթսելեր գիրքը, որը գրել էր Ուոլթեր Այզեկսոնը հենց Ջոբսի պատվերով:
Դեռ 2012-ին Սորկինը հայտնել էր, որ աշխատում է նոր սցենարի շուրջ: Այսօր արդեն հայտնի է դարձել, որը սցենարն արդեն գտնվում է կինոարտադրող ընկերության ձեռքում, իսկ դա նշանակում է, որ ֆիլմի նկարահանումները մոտակա ժամանակներում կսկսվեն:
Սորկինը դեռևս 2012-ին հայտնել էր, որ ֆիլմը բաղկացած է լինելու երեք նշանակալից էպիզոդներից՝ յուրաքանչյուրը 30 րոպե տևողությամբ: Յուրաքանչյուր էպիզոդ ցուցադրելու է Apple-ի շնորհանդեսների (Macintosh-ի, NeXT համակարգչի և iPod նվագարկչի շնորհանդեսների) ետնաբեմում կատարվող իրադարձությունները:
Թե երբ է նոր ֆիլմը մեծ կինոէկրաններ դուրս գալու, առայժմ, տեղեկություններ չկան:
Աղբյուրը՝ appleinsider.ru