ԱՄՆ-ի ցանկացած քաղաքացի ապրիլի 15-ին կկարողանա ձեռք բերել Google Glass խելացի ակնոցը: Այս մասին հաղորդում է The Verge ինտերնետ-պարբերականը:
Ըստ աղբյուրի՝ Google-ը ցանկանում է ընդլայնել Glass օգտագործողների թիվը: Ընկերությունն արդեն հաստատել է այս լուրը և գրել դրա մասին իր պաշտոնական բլոգում: Նշենք, որ վաճառքը կմեկնարկի Երևանի ժամանակով ժամը 16:00-ին Google Glass-ի կայքում:
Սարքը կվաճառվի $1500-ով, այս գնի մեջ կմտնեն նաև գնորդի ցանկությամբ կարճատեսների համար նախատեսված լինզաները: Հիշեցնենք, որ Google Glass-ի համաշխարհային վաճառքը կմեկնարկի 2014-ի վերջին:
Աղբյուրը՝ theverge.com