Nestlé ընկերությունը հայտնել է հատուկ սարքի նախագծման մասին: Վերջինս պետք է մշակի ինդիվիդուալ վիտամինային կոմպլեքս մարդու համար, հաղորդում է Bloomberg-ը:
Այս մտահղացման համար Nestlé-ն 2013-ին գործարկել էր Iron Man անունը կրող հետազոտական նախագիծը: Վերջինիս շրջանակում գիտնականները փորձում են գտնել վիտամիններ և սնուցիչներ, որոնք բացակայում են կոնկրետ մարդկանց սննդակարգում:
Վերջիններս մշակվելու են 3D տպիչի միջոցով, որը կստեղծի ուտելու համար պիտանի սննդարար սնուցիչներ: Ներկա պահին չեն հայտնում, թե ինչ կերպ է կատարվելու այդ սնուցիչների օգտագործումը:
Nestlé-ի խոսքով այս նախագիծը իրականություն կդառնա մոտակա 4-5 տարիների ընթացքում, երբ ի հայտ կգան սննդարար 3D տպիչների առաջին նմուշները:
Աղբյուրը՝ bloomberg.com
