AndroidHeadlines-ը գրում է, որ հաջորդ ամսվա ընթացքում ZTE ընկերությունը կցուցադրի Nubia Z9 սմարթֆոնը, որի էկրանը չունի շրջանակներ։ Ցանցում հայտնվել են նաև մոդելի մի քանի լուսանկարներ։
Ինչպես տեսնում եք էկրանի շուրջը չկա սև հատված, և այն միանգամից ամրացվում է հեռախոսի ընդհանուր մետաղական շրջանակի մեջ։ Սպասվում է, որ էկրանի անկյունագիծը կլինի 5,3 դյույմ։ Ինչ վերաբերում է Nubia Z7 մոդելին, ապա այն ունի QuadHD-էկրան՝ 5,5 դյույմ անկյունագծով, Snapdragon 801 պրոցեսոր՝ 2,5 ԳՀց հաճախությամբ, 3 ԳԲ օպերատիվ հիշողություն և 13 ՄՊ հիմնական տեսախցիկ։ Եվ այս ամենը արժե 560 դոլար։
Nubia Z7-ը վաճառքի է դուրս եկել անցած տարվա դեկտեմբերին, այնպես որ շատ հավանական է, որ նոր սերնդի Nubia-ն կթողարկվի այս դեկտեմբերին։
Աղբյուրը՝ http://androidinsider.ru/