Aiptek International ընկերությունը, որը հայտնի է փոքրածավալ պրոյեկտորների արտադրությամբ, մոտ մեկ տարի առաջ ներկայացրել էր Android-պլանշետ, ներկառուցված պրոյեկտորով։ Սարքը կոչվում էր ProjectorPad P100 և մեծ հաստության ու ծանր քաշի պատճառով ավելի շատ հիշեցնում էր սարք՝ երկուսը մեկում։
Նոր մոդելը՝ ProjectorPad P70, բավական բարակ է և քիչ է տարբերվում սովորական 7 դյույմանոց պլանշետից։
Պրոյեկտորի ոսպնյակը գտնվում է պլանշետի կողային մասում, այն ունակ է ցուցադրել մինչև 120 դյույմ անկյունագծով պատկեր՝ 854 х 480 կետայնությամբ։ Հայտարարված պայծառությունը՝ 50 լմ, իսկ պրոյեկտորի ռեժիմում ավտոնոմ աշխատանքի տևողությունը՝ մոտ երկու ժամ։
ProjectorPad P70-ի տեխնիկական բնութագրերը դժվար թե զարմացնեն։ Սարքն ունի քառամիջուկ պրոցեսոր, IPS էկրան՝ 7 դյույմ անկյունագծով և 1024 х 600 կետայնությամբ, և 16 Գբ ներքին հիշողություն։ Սարքն ունի նաև 2 և 5 ՄՊ տեսախցիկներ, microSD հիշողության քարտի հնարավորություն, Wi-Fi և Bluetooth։
Aiptek ProjectorPad P70-նն արդեն կարելի է գնել Amazon.com կայքում, որտեղ նրա գինը կազմում է $370։
Աղբյուրը՝ Liliputing