Յուրաքանչյուր օգտագործող կարող է փորձել իմանալ՝ թե ով է իրեն զանգում անծանոթ համարից՝ մուտքագրելով հեռախոսահամարը Facebook սոցցանցի որոնման էջում։ Այս հնարավորությունը նոր չէ, սակայն շատ օգտագործողներ տեղյակ չեն դրա մասին։
Սոցցանցն առաջարկում է լրացնել օգտագործողի հեռախոսահամարը՝ որպես մուտք գործելու ու տվյալները վերականգնելու լրացուցիչ տարբերակ։ Ու թեև կարգավորումներից կարելի է նշել, որ այն չցուցադրվի պրոֆիլում, հեռախոսահամարով որոնումը «մատնացույց» է անում օգտագործողի անունը։
Նշենք, որ հեռախոսահամարի տիրոջ որոնումն աշխատում է միայն այն դեպքում, եթե տվյալ հեռախոսահամարը կցված է օգտագործողի պրոֆիլին։ Իսկ հեռախոսահամարը ջնջելու համար պետք է մուտք գործել կարգավորումներ, սակայն այդ դեպքում այլևս հնարավոր չի լինի վերականգնել սոցցանցի մուտքը հեռախոսին ուղարկվող կոդով։