Հետազոտողներն առաջարկել են գաղտնաբառի փոխարեն օգտագործել նկարներ

Հետազոտողներն առաջարկել են գաղտնաբառի փոխարեն օգտագործել նկարներ

Փլիմաութի համալսարանի հետազոտողներն ստեղծել են գաղտնաբառի մուտքագրման նոր մեթոդ, որն, ըստ իրենց, առավել ապահով կլինի, քան ավանդական գաղտնաբառերը: GOTPass կոչվող այս նոր մեթոդը միավորում է պատկերները, նկարներն ու մեկանգամյա գաղտնաբառերը, որպեսզի ստեղծի նոր համակարգ, որը կլինի ոչ միայն առավել ապահով, այլև հեշտ հիշվող:

Pattern password

GOTPass-ը պահանջում է մեկանգամյա կարգավորում, որի ընթացքում օգտատերը պետք է կազմի որևէ պատկեր 4×4 ցանցի վրա: Պատկերն ընտրելուց հետո համակարգն առաջարկում է երեսուն տարբեր էմոջիներ և խնդրում ընտրել դրանցից որևէ մեկը: Ցանցի վրա չորս վանդակ լրացնելուց հետո օգտատերը կունենա իր նոր գաղտնաբառը:

Գաղտնաբառը մուտքագրելու գործընթացը շատ հեշտ է. անհրաժեշտ է մուտքագրել օգտատիրոջ անունը, այնուհետև նկարել վերոնշյալ ցանցը: Հաջորդ քայլում կերևա 16 նկար, որոնցից երկուսը կարգավորման ընթացքում ընտրված նկարներն են, իսկ մնացածը ծուղակներ են: Ընտրեք ճիշտ նկարները, և Դուք կստանաք մեկանգամյա անցագիր Ձեր ուզած էջ մուտք գործելու համար:

Համակարգի ստեղծողների խոսքով` վերոնշյալ գաղտնաբառերը հեշտ է հիշել և դրանք ավելի բարձր պաշտպանության մակարդակ ունեն:

Աղբյուրը` Plymouth University